Sam Ó Fearraigh (sé/é)
Is file, scríbhneoir, amharclannóir agus aisteoir é Sam Ó Fearraigh as Gort a’ Choirce, i dTír Chonaill.
Tá filíocht leis foilsithe in Poblachd nam Bàrd, Green Carnations | Glas na Gile, agus ROPES, agus ficsean gairid in Splonk agus sa chnuasach Bláth na dTulach, le foilsiú in 2021. Bhuaigh a dhán Mise Aerach, atá le feiceáil thíos, an darna áit i gcomórtas slamfhilíochta Liú Lúnasa 2020. Rinne sé aistriúcháin ar fhilíocht Gàidhlig Mharcas Mhic an Tuairneir dá chnuasach Dùileach (2021).
Is aisteoir é Sam sa tsraith theilifíse Ros na Rún. Bhí sé ina chomhscríbhneoir, comhléiritheoir agus aisteoir sa dráma Grindr, Saghdar ⁊ Cher (2022) in éineacht le Ciara Ní É agus Eoin Mc Evoy. Craoladh a ghearrdhráma Béarla do raidió, Jack, ar Highland Radio in 2021. In 2020, bhuaigh sé coimisiún chun dráma gairid a scríobh agus a láithriú do Ceangal | Dolen, comhdháil d’amharclannóirí ag obair trí mheán na Gaeilge, na Gàidhlig, agus na Breatnaise. Tá an dráma sin, Balbháin, le feiceáil thíos.
Ba chomhbhunaitheoir é Sam den chompántas amharclannaíochta ThereIsBear! Theatre in 2012. Ba é an príomh-scriptscríbhneoir agus drámatúrg ar a ndráma dátheangach The Shadow of Carmilla | Scáth an tSúmaire in 2017.
'Mise Aerach', dán le Sam a bhain duais i gcomórtas slamfhilíochta Liú Lúnasa 2020
'An Págánach Deireanach', scéal splancfhicsin le Sam in Splonk
Balbháin, dráma le Sam a choimisiúnaigh Ceangal | Dolen