Seisiúin Scríbhneoireachta 2025

Spás agus am an dá rud is mó a bhíonn ag teastáil ó gach scríbhneoir agus ní miste comhluadar daoine eile a bheith acu le hiad a choinneáil dírithe ar na spriocanna a leagann siad amach dóibh féin.

Sna seisiúin seo, tiocfaidh scríbhneoirí Gaeilge le chéile le dul i mbun pinn ar a gcuid tionscadal féin nó i dtionscadail chomhpháirteacha le scríbhneoirí eile.

Seisiún míosúil is ea é seo. Beidh aoi-áisitheoirí chugainn i gcuid de na seisiúin.

Sceideal:

• 3 Meitheamh

• 8 Iúil

• 5 Lúnasa

• 2 Méan Fómhair

• 7 Deireadh Fómhair

• 4 Samhain

• 10 Nollaig

Is faoi choimirce AerachAiteachGaelach atá an tsraith seo seisiún á reachtáil ach tá fáilte roimh aon scríbhneoir le Gaeilge agus ní gá go mbeadh duine LADTAIÉ+ le bheith linn. Cuirfear fáilte chroíúil roimh chách.

Tá Foras na Gaeilge ag tacú leis an tsraith seo trí Scéim na Litríochta, rud a fhágann gur féidir linn na ticéid a chur ar fáil saor in aisce.

Is é Oisín Ó Dubhshláine ó AerachAiteachGaelach atá ag riar na seisiún seo.