Irisín nua AAG ag an Dublin Art Book Fair

Foilsíodh AiteachCuèir, an cnuasach litríochta agus filíochta is deireanaí de chuid AerachAiteachGaelach, i bhfómhar na bliana 2025 agus cuireadh an t-irisín san áireamh sa Dublin Art Book Fair i mí na Samhna, aonach a raibh an pobal in ann cóipeanna a cheannach ann. Má chaill tú an deis freastal ar an aonach, is féidir cóipeanna den irisín a cheannach ón Siopa Leabhar anois.

Ba é Stiofán Ó Briain eagarthóir an irisín dhátheangaigh seo agus ba é Conall Ó Duibhir an dearthóir. Tá dánta agus gearrscéalta i nGaeilge agus Gàidhlig le léamh san irisín seo agus tá píosaí cianachló ón gcomharghrúpa le feiceáil ann ón gceardlann a thug Louis Haugh don ghrúpa i mí Aibreáin 2025.

Tá muid buíoch de Scéim Miondeontas Cholm Cille as an tacaíocht.

Tá saothair leis na scríbhneoirí seo a leanas san irisín.

Gaeilge

• Caitríona Ní Eireamhóin

• Ciara Ní É

• Eoin Mc Evoy

• Gormfhlaith Ní Shíocháin Ní Bheoláin

Gàidhlig

• Marcas Mac an Tuairneir

• Mia Suhaimi

• Nathaniel Harrington

• Robbie MacLeòid

Tá saothair ealaíne le feiceáil ann ó:

• Conall Ó Duibhir

• Eoin Mc Evoy

• Ian Mac Gabhann

• Jill McMahon

• Maitiú de Bhaltún