Campa Gaeltachta LADTAIÉ+ Chléire 2025

Rómánsaíocht Chléire an mana a chlóigh The Grá ar chúl na dt-léinte a dhear Ruairí Ó Donnabháin ó Mheitheal Chléire le haghaidh champa Gaeltachta LADTAIÉ+ na bliana seo agus bhí an rómánsaíocht sin le brath go láidir i gcaitheamh na seachtaine ar an oileán.

Is í Cléire an t-oileán is sia ó dheas in Éirinn a bhfuil cónaí air agus is é an t-aon oileán Gaeltachta é i gCúige Mumhan. Is ann a chaith foghlaimeoirí agus ealaíontóirí de chuid AerachAiteachGaelach an tseachtain 11-17 Lúnasa ag foghlaim na Gaeilge, ag cleachtadh ióga, ag damhsa, ag canadh, ag snámh, ag baint triail as cineálacha éagsúla ealaíon agus ag cócaireacht le chéile.

Seachtain speisialta agus pobal aiteach na Gaeilge ag fás i dtólamh!

Foireann

Eagraithe: Ruairí Ó Donnabháin, NJ Ní Mhéalóid agus Eoin Mc Evoy

Múinteoirí Gaeilge ó AAG: Eoin Mc Evoy, NJ Ní Mhéalóid agus Darragh Ó Caoimh

Cócaire: Bia le Tina agus oibrithe deonacha ón ngrúpa

Múinteoir Ióga: Jen Ní Cheibheánnaigh

Múinteoir Rince Seit: Patricia Ní Bhroin

Áisitheoirí Ceardlann Ealaíon ó AAG: Conall Ó Duibhir (Mascanna), Jill McMahon (Amhránaíocht Pop), Seirce Mhac Conghail (Scríbhneoireacht), Pádraig Ó Cuinneagáin (Filíocht)

Áisitheoirí Ceardlann Eile: Catherine Ryan (Feilt), Ger Ní Mhéalóid (Déanamh Coinnle), GráinneMir Abualrob agus Sorcha Fox (Drámaíocht)