Ceardlann Lúibíní i nGaillimh

Is éard is ‘lúibín’ ann ná amhrán le haghaidh beirte ina n-insíonn na hamhránaithe scéilín beag greannmhar trí bheith ag canadh siar is aniar dá chéile. Tá ríméad ar AerachAiteachGaelach dul i gcomhar le hOireachtas na Gaeilge chun ceardlann ar an gceird sin a chur ar fáil dár mbaill agus don phobal.

Ceardlann Lúibíní

📍 Áras na nGael, Sráid Dhoiminic, Co. na Gaillimhe, H91 E1NY

📅 Dé Sathairn, 27 Meán Fómhair

🕐 13:00 – 15:00 i.n.

👉 Tá sé fíorthábhachtach d’áit a chur in áirithe roimh ré mar go bhfuil líon teoranta ticéad ar fáil.

Bígí linn don cheardlann chruthaitheach, spraíúil seo le Fearghas Mac Lochlainn agus Traolach Ó Conghaile, beirt ealaíontóirí agus scríbhneoirí ildánacha a bhfuil bua ar leith acu maidir le cumadh lúibíní. Tá duaiseanna bainte acu beirt ag Oireachtas na Samhna as a gcuid lúibíní iontacha.

Sa cheardlann seo, beidh deis agat do scileanna a fhorbairt i gcumadh agus i ndearadh lúibíní, i suíomh fáiltiúil, spraíúil agus Gaelach. Níl aon taithí de dhíth ort – níl uait ach fiosracht agus toilteanas chun triail a bhaint as!

Eagraithe ag an Oireachtas i gcomhar le AerachAiteachGaelach.